సమస్యాపూరణలు:  దత్తపదులు: 

(1). " పేపరు - పెన్ను - బుక్ - ఇంకు " - పదాలను ఉపయోగిస్తూ భారతార్థంలో నచ్చిన

          ఛందస్సులో పద్యం.

ఉ.     బుక్కున పేపరున్ తెఱచి పొందగు రీతిని నింకు పెన్నునన్ 

          చక్కగ నింపి యర్జునుని సాహసకృత్యము లేర్చి కూర్చుచున్

          చొక్కమునైన పద్ధతిని సూతసుతుండగు కర్ణు నాజిలో

          చక్కడగించు ఘట్టమును చందుగ వ్రాసె నతండు జూడుమా! 

(2).  " అల - కల - వల - నెల " - పదాలను అన్యార్థంలో ఉపయోగిస్తూ రామయణార్థంలో 

          నచ్చిన ఛందస్సులో పద్యం. 

చం.   వలపును వీడి దాశరథి పత్నిని వేగమె పంపకుండుచో 

           అలకను జెంది రాముడు వినాశమొనర్చును లంకకెంతయున్ 

           కలహమునందు నీక్షణమె గావున యా నెలతన్ త్యజించుచున్ 

           నిలుపుము శాంతి నో యనుజ! నీవుగ నంచు విభీషణుండనెన్. 

                                                                      పూరణ: క్రొవ్విడి వేంకట రాజారావు