మీకు తెలుసా?

మాతృత్వం: 

    చెడు చేసే తండ్రి ఉండవచ్చు. చెడు చేసే అన్నదమ్ములు ఉండవచ్చు. అక్కచెల్లెళ్ళు ఉండవచ్చు. కానీ సృష్టిలో చెడు చేసే అమ్మ మాత్రం ఉండదు. వేల సంవత్సరాల మానవ మనుగడ సంస్కృతిలో అన్ని యుగాలలోనూ అందరూ ముక్తకంఠంగా అంగీకరించిన వాస్తవం. ఎందుకంటే అది అనుభవైక వేద్యం కాబట్టి. సృష్టిలో ప్రతిదానికి పర్యాయం ఉన్నది. ఒక్క అమ్మ ప్రేమకు తప్ప. అందుకే ఒక కవి అన్నాడు- 

అమృతానికి, అర్పణకు అసలు పేరు అమ్మ

                                              అనుభూతికి ఆర్ధ్రతకు ఆనవాలు అమ్మ 

                                             ప్రతి మనిషి పుట్టుకకే పట్టుగొమ్మ అమ్మ 

                                             ఈ లోకమనే గుడి చేరగ తొలి వాకిలి అమ్మ 

    మాతృత్వానికి మధురమైన, మరపురాని, మనోహరమైన నిర్వచనమనదగిన జీవి ఈ సృష్టిలో ఉంది. ఈ విషయం చాలామందికి తెలియదు. ఆ జీవి తేలు. తేలు సంతానోత్పత్తి ప్రక్రియ చాలా ఆశ్చర్యకరంగా ఉంటుంది. దాని గర్భాశయంలో వందలాది అండాలు ఫలదీకరణ చెంది పూర్తి రూపాన్ని సంతరించుకున్న అనంతరం ... అవి....తల్లి ఉదరాన్ని చీల్చుకుని బయటకు వస్తాయి. అంటే, ప్రసవానంతరం తల్లి తేలుకు జీవితం లేనట్లే. 

    ప్రతి జీవికి మధురాతి మధురమైన మాతృత్వం తేలుకు మాత్రం మాతృ శాపం. "మాతృత్వం" పద నిర్వచనానికి తేలు జీవితం పరాకాష్ఠ అని చెప్పవచ్చు. 

                                                                 సేకరణ: క్రొవ్విడి వేంకట రాజారావు