సమస్యాపూరణలు:

(1).  " వెధవలు సెలరేగిరంట వేలకొలదిగన్ " 

కం.  వెధవయె రాజ్యము నేలుచు 

        అధికాధికముగ మకురుల నడరగ జేయన్ 

        అధమపు పాలన వెలయుచు 

        వెధవలు సెలరేగిరంట వేలకొలదిగన్. 

(2).  " వెధవలు పెచ్చురేగిరట వేలకొలంది శకార రూపులై " 

చం.   వెధవయె రాజ్యమేలుచు ప్రవీణత జూపగలేక తోడుగా 

           నధమమునౌ క్రియల్ నడపి నాగడమెంచెడి మూర్ఖులందరిన్ 

           నధికుల జేసి దేశమున నల్దిశలన్ వెలిగింపజేయగా 

           వెధవలు పెచ్చురేగిరట వేలకొలంది శకార రూపులై. 

                                                       పూరణ: క్రొవ్విడి వేంకట రాజారావు