అష్టవిధనాయికలు:
(3). విరహోత్కంఠిత
ఉ. నాథుడు దూరదేశముల నాశ్రయమొందగ పోవగా మదిన్
బాధితయై మనోహరి యపార వియోగ విలక్షణాకృతిన్
వేధను దూరుచున్ విరహవేదన తాళక నశ్రుసారసాం
బోధిని మున్గి తేలుచును బోరన నేడ్చెడు నాతి యీమెయే.
(4). విప్రలబ్ధ
ఉ. కూరిమితోడ కూడెదము కొంచెమునైనని జాగుసేయకో
వారిజలోచనా యనుచు బాళిగ పల్కిన యిష్టుడాయమన్
చేరక యుండుటన్ తరుణి చిందఱవోవుచు రేతిరంతయున్
కోరికమేర నారయుచు కోమలి బేల్పడె విప్రలబ్ధగా!
(5). ఖండిత
ఉ. నిండగు గారమున్ సరదు ప్రేమికుడాయెడ మోజు గూడగా
మెండుగ రాతిరంతయును మీఱుచు వేరొక కాంతతోడ తా
నుండియు వేడ్కగా తిరుగ నుగ్మలి కాగ్రహముప్పతిల్లగన్
ఖండితయౌచు క్రుంగినది కాలమహత్వపు కేళిలో నటన్.
రచన: క్రొవ్విడి వేంకట రాజారావు
కామెంట్‌లు లేవు:
కామెంట్‌ను పోస్ట్ చేయండి