:: ఎల్లోరా కైలాస నాథ దేవాలయం :: 

    నమస్కారం. జీవనస్రవంతికి స్వాగతం!  మహారాష్ట్ర రాష్ట్రంలో, శతాబ్దాల నాటి ఇంజనీరింగ్ అద్భుతానికి సాక్ష్యంగా నిలుస్తుంది ఎల్లోరాలోని కైలాస నాథ దేవాలయం. ఇది ఎనిమిదవ శతాబ్దంలో రాష్ట్రకూట రాజు కృష్ణ-I కాలంలో నిర్మించబడింది. సాధారణంగా ఏ కట్టడమైనా ఇటుకలు లేదా రాళ్లను ఒకదానిపై ఒకటి అమర్చి పునాది నుండి పైకి కడతారు. కానీ, ఈ ఆలయ విశిష్టత ఏమిటంటే, ఒకే ఒక్క భారీ పర్వతాన్ని ఎంపిక చేసుకుని, దానిని పై నుండి కిందికి తొలుచుకుంటూ వచ్చి ఈ అద్భుత శిల్పాన్ని తీర్చిదిద్దారు. ఇలాంటి 'మోనోలిథిక్' (ఏకశిలా) నిర్మాణం ప్రపంచంలో మరెక్కడా కనిపించదు.

    ఈ ఆలయ నిర్మాణంలో దాదాపు నాలుగు లక్షల టన్నుల రాయిని కొండ నుండి తొలగించినట్లు చరిత్రకారులు అంచనా వేస్తున్నారు. నేటి కాలంలో అత్యాధునిక యంత్రాలతో కూడా ఇటువంటి పని చేయడం ఎంతో కష్టంతో కూడుకున్నది. కానీ, వేల ఏళ్ల క్రితమే ఎటువంటి ఆధునిక సాంకేతికత లేని సమయంలో, కేవలం ఉలి మరియు సుత్తెతో ఇంత భారీ పరిమాణంలో రాయిని తొలగించి, మూడు అంతస్తుల ఎత్తున్న ఆలయాన్ని నిర్మించడం వెనుక ఉన్న ఇంజనీరింగ్ నైపుణ్యం అసాధారణమైనది.

    ఆలయ గోడలపై చెక్కిన శిల్పకళా వైభవం పర్యాటకులను మంత్రముగ్ధులను చేస్తుంది. రామాయణ, మహాభారత ఘట్టాలను ఎంతో సూక్ష్మంగా ఈ రాతి గోడలపైనే మలిచారు. పర్వతాన్ని తొలిచే సమయంలో ఒక్క చిన్న పొరపాటు జరిగినా మొత్తం ఆలయ రూపమే దెబ్బతినే ప్రమాదం ఉన్నా, శిల్పులు అత్యంత ఖచ్చితత్వంతో దీనిని పూర్తి చేశారు. ముఖ్యంగా గర్భాలయం పైన ఉన్న శిఖరం, ఆలయ ప్రాంగణంలోని భారీ ఏనుగులు, ధ్వజస్తంభాలు అన్నీ ఒకే రాతిలో భాగం కావడం విశేషం.

    ఈ కట్టడం వెనుక ఉన్న అతిపెద్ద మిస్టరీ ఏమిటంటే, కొండ నుండి తొలగించిన ఆ లక్షల టన్నుల రాయి ఏమైపోయింది అనేది. సాధారణంగా అంత భారీ మొత్తంలో వ్యర్థాలు ఆ చుట్టుపక్కల ప్రాంతాల్లోనే కనిపించాలి, కానీ ఎల్లోరా పరిసరాల్లో ఎక్కడా ఆ రాతి ఆనవాళ్లు దొరకలేదు. ఇది ఇప్పటికీ పరిశోధకులకు ఒక అంతుచిక్కని ప్రశ్నగానే మిగిలిపోయింది. కాల ప్రవాహంలో ఎన్నో దాడులు జరిగినా చెక్కుచెదరకుండా నిలిచిన ఈ కైలాస నాథ దేవాలయం, ప్రాచీన భారతీయ శిల్పకళా వైభవానికి నిలువుటద్దం. ఈ కథనం బాగుంటే లైక్ చెయ్యండి. మరిన్ని వింత కథనాలకొరకు మన జీవనస్రవంతి ఛానల్ ను ఇప్పుడే సబ్స్క్రైబ్ చేసుకోండి. స్వస్తి!